Sekretari amerikan i Shtetit, Antony Blinken njoftoi një paketë të re ndihme për sigurinë e Ukrainës.

Ajo përfshinë municione të mbrojtjes ajrore, artileri, armatim kundër pajisjeve të blinduara dhe pajisje shtesë për pastrimin e minave, raporton cnn.

Paketa kap vlerën e 200 milionë dollarëve dhe vjen nga “Autoriteti i tërheqjes presidenciale të autorizuar më parë” – para që mbetën pas gabimit në llogaritje të Departamentit të Mbrojtjes.

“Rusia e filloi këtë luftë dhe mund ta përfundojë atë në çdo kohë duke tërhequr forcat e saja nga Ukraina dhe duke ndaluar sulmet e saj brutale”, deklaroi Blinken.

Today we are announcing deliveries of $200 million worth of arms and equipment for Ukraine. Air defense, anti-armor, and munitions will keep the Ukrainian armed forces in the fight to defend their country’s sovereignty, territory, and people.

— Secretary Antony Blinken (@SecBlinken) August 14, 2023

“Derisa të ndodhë, Shtetet e Bashkuara dhe aleatët dhe partnerët tanë do të qëndrojnë të bashkuar me Ukrainën, për aq kohë sa duhet”, shtoi ai.

Ndryshe, SHBA-të janë ndër vendet kryesore që po e mbështetin Ukrainën në luftën kundër Rusisë, e cila ka filluar më 24 shkurt të vitit të kaluar. /Telegrafi/